Saturday, 01 August 2009
-
又一個月啦！今日係8月1日，尋日我家姐終於都遞左信，而老闆亦都accept左 其實佢走都係好事黎o既，當一個人永遠都唔會發現自己有錯o既時候，或者離開會係一個好辦法黎 希望佢終有一日會醒覺啦！
Friday, 24 July 2009
-
最近發生左好多事，好似成績單出左啦，要交學費啦，知道有個朋友有左第二胎啦，另一個朋友下年會結緍啦，我家姐係公司o既好多好多問題啦，仲有就係我以為一個唔體諒我地o既阿ger，原來係好體諒我地o既 發生左咁多事，但係到今日，我先捨得黎更新下個blog，真係連我自己都覺得好過份…… 仲有呀，我到22號先見到wilson係msn留俾我o既新電話號碼 =.=” 真係失敗呀…… 見到自己張成績單真係好開心，因為今次唔駛補考啦~~證明我係有進步，不過係拎到學費單o既時候又有d愁，始終錢唔係多丫嘛~~不過點都要讀落去o既，努力呀~~ 上個月尾，知道個朋友將會係下年結婚，真係開心，又一對有情人終成眷屬啦~~跟住緊接又知道另一個朋友有左，真係好羨慕呢~~ 然後就係公司最近都發生左唔少事，之前因為某d問題而令個客退貨，退左貨之後又遲遲都未補返貨比人，搞到個客勁唔鍾意，仲向老細投訴，而呢個比客投訴o既人，就係我家姐...... 其實我真係幾後悔同我家姐同一間公司，因為真係知道左好多野，比如話佢係我背後係點樣同人地講我點衰點衰啦，比如話佢點係人地面前扮可憐扮弱者啦，唉....我真係唔知點解佢會變成咁，同我以前做part-time個時認識o既佢真係完全唔同，而家o既佢，d同事都話佢不負責任而且無記性，最慘係佢完全唔知衰...雖然我係佢細妹，亦都好想勸下佢，但係....唉...係佢心目中我只係一個細路女，佢又點會聽我講？ 然後某一日，係同事口中知道原來老細已經開始頂佢唔順，跟住我開始擔心，到底...應該點好...個心真係好十五十六呀……而且老細諗住抽起佢個客唔駛佢再跟啦…唉….不過我今日聽聞佢會辭職，咁樣都不失為一件好事黎o既，始終老細咁做，佢係公司已經好難再有立足之地，如果佢可以去第二間公司做，咁樣對佢會好d 雖然唔知之後會點，但係如果今次o既事可以令佢醒覺o既話就好囉~~
Saturday, 04 July 2009
-
市中心板長壽司隔離有間食烏冬o既舖頭，而自從我同阿柴食過海港城 City Super Food Court o既手打烏冬之後，我o地就好鍾意食手打烏冬，所以今日就特登去呢間試下，點知....7點左右拎飛....等等等等等....等到8點半先可以食...等o左真係好耐.... 坐低之後，見到餐牌有個黃金蝦沙律，只係廿塊，諗住叫o黎試下，點知....賣晒......=.=" 咁唯有剩係叫烏冬啦....柴仔叫o左個海鮮湯烏冬而我就叫蝦同竹輪天婦羅掛烏冬 等o左一陣，柴仔o既湯烏冬已經到o左，睇落無乜特別，不過柴仔就猛話D海鮮好新鮮 等到柴仔食o左差唔多一半，我o既掛烏冬都o黎啦，原來掛烏冬即係無湯o既，不過食落就覺得都係海港城o既烏冬好食D，但好彩D天婦羅都整得幾好食，但整體o黎講...真係覺得唔值得要等咁耐先食到囉.... 我諗呢間o野都唔會再有咩機會去....
Saturday, 27 June 2009
-
最近公司發生左件大事，就係超黑人憎既會計終於都辭職啦！！！不過佢呢個舉動亦到令我同公司既Shipping姐姐心有顧慮，因為話晒佢都係一個會計，咁當然佢一定好清楚公司條數係點架啦，而係呢個咁既年中時候，佢仲辭職唔做，唔通公司條數真係唔掂到咁？ 其實公司生意差左係真係有眼見架，而家我日日返到公司唔係無野做就要扮有野做，都不知幾辛苦．．．但係又唔可以偷懶喎，因為有個全天侯人形監視器就坐係後面咋．．．唉．．．真係無陰功呀．．．
Monday, 22 June 2009
-
上個月join左physical $500 / 6個月健身咭，而家暫時唔駛返學，就同自己講一個星期都要去幾日，夜晚放工去個種，做下運動出下汗，感覺真係唔錯 上星期五就約左rachel一齊上瑜伽堂，係上堂之前我地就分開做下其他運動，然後就一齊排隊上堂 導師係男人，不過都幾搞笑，成堂個氣氛都好輕鬆，不過ｄ瑜伽動作其實一ｄ都唔易做呀！搞到我地兩個差ｄ叫救命，不過真係好好玩，希望下次再上過～ 之後我地又討論過有咩堂好上，瑜伽啦，跳舞啦咁，跟住我星期日就去上BS (1)，即係踏板舞，係初班個隻，Ｄ動作其實唔難，有Ｄ以前都係屯門婦女會個陣學過，不過呢．．．一開始就跟住Ｄ歌黎跳，好多都跟唔到呀！！！好彩唔係得我一個係咁．．．跳到我頭都暈埋呢．．． 證明我真係無乜節奏感啊．．．．．．．．．．．．
-
- Name: queencorn
- Gender: Female
- Member Since: 5/25/2007
